A Secretaría Xeral de Política Lingüística organiza o concurso fotográfico 'Enfoca o Galego'. Para participar nel, debedes enviar unha foto que simbolice a lingua galega. Non pode exceder os 800x600 píxeles e deberá ter un tamaño máximo de 400 Kb.

As fotografías enviadas deberán axustarse á temática do concurso e as que sexan máis votadas na web formarán parte dunha terna final, que será valorada por un xurado formado por persoas do ámbito audiovisual. Os finalistas pasarán a formar parte dunha exposición que se organizará a finais do ano.

O concurso finaliza o último día do mes de setembro e as fotos seleccionadas se coñecerán ó longo do mes de outubro. O premio: unha cámara dixital. A CANON EOS 400D.