FESTIVAL DE ORTIGUEIRA
E onte comezou o Festival de Ortigueira. O alcalde, Antonio Campo, inaugurou onte ó mediodía a escultura "Gaiteiro de Ortigueira", unha obra de Francisco Leiro nun acto no que participou a Escola de gaitas de Ortigueira e que supuxo a apertura formal do Festival de Ortigueira 2007.
Este festival chega este ano a súa 29 edición, que se celebrará ata o día 8 de xullo. Onte xoves puidemos ver no escenario Estrella Galicia a Sete Saias, Balbarda, Bonovo, Crema de Gaita e La jambre, gañadores do Proxecto Runas '07.
Pero isto non fixo máis que comezar. Nos vindeiros días poderemos ver a Eric Rigler & Bad Haggis, Kepa Junkera, Rosa Cedrón, Mercedes Peón, Dervish, Bagad Kemper, Kroke ou Milladoiro.
Este festival representa unha cita ineludible do verán, sendo un dos referentes mundiais do folk, algo que conseguiu por méritos propios. Hoxe en día é un dos eventos musicais máis multitudinarios de toda España, acudindo xente dos máis diversos puntos da xeografía española. Ademais, no ano 2003 o Ministerio de Economía concedeulle o galardón de Festa de Interese Turístico Nacional. Nas últimas edicións congregáronse en Ortigueira arredor de 100.000 asistentes, todos animados polo bo ambiente, a troula e a música folk. Este ano seguro que non será para menos!!
asdhsjk dijo
Buscaba un servicio de audiovisuales como ...
http://www.telesonic.es
10 Julio 2007 | 04:10 PM