Tras unha breve pausa na que estiven ocupada na rodaxe dunha curta -xa vos falarei dela máis polo miúdo proximamente-, retomo o tema do blog para comentaros as novidades deste período estival.
Onte celebrouse en Vigo o Maratón Fotográfico 2007, que este ano celebraba a súa duodécima edición. Nel participaron algo máis de 110 participantes, a maioría deles na categoría dixital, que tiñan que conseguir as mellores fotos sobre os catro temas propostos: Sabores, Barras, Embarcados e Miradas. Este evento adicado a todos aqueles afeccionados da fotografía organízase cada ano grazas a Agrupación Fotográfica Galega.
Entre as mellores propostas presentadas se repartirán os tres primeiros premios, valorados respectivamente en 1.000 €, 400 € e 250 €. Ademais, a organización concede tamén catro accésits valorados en 150 € cada un. Moita sorte a tod@s os que participáchedes. E para despedirme, unha mirada felina dende as rúas do casco vello de Vigo.
Sabes cando saen a resolución dos gañadores do concurso?
Por certo moi boa a foto do gato eso si que é unha mirada je je je.
Moitísimas grazas polo teu comentario. A verdade é que non sei cando sairá a resolución dos gañadores do concurso. Dende a páxina web da Agrupación Fotográfica Galega infórmannos de que a cousa quedou ó final en 113 participantes (20 en analóxico e 93 en dixital) e que agora comeza o proceso de revisión de todos os CDs entregados, a creación de contactos con esas fotos e o revelado e realización de contactos dos carretes.
Tras facer isto, o xurado seleccionado escollerá as 25 ou 30 mellores series fotográficas e envía os arquivos a un laboratorio fotográfico profesional, que é o que realiza as ampliacións a 20 x 30 cm, para que un segundo xurado valore de forma individual estas series de fotografías (enmarcadas e colgadas nunha sala de exposicións). Así que o proceso parece que vai para largo... Segundo din, os anteriores anos a exposición realizábase na Casa das Artes sobre o mes de Outubro.
A ver que te parece el mío? Saludos desde Cádiz y pincha aquí si también te ha sucedido esto ya que a todos nos ha pasado mas o menos lo que cuento en este video. Por su cotidianeidad, por su carácter universal, es fácil que arranque de ti una sonrisa cómplice.