E un ano máis a Academia Audiovisual Galega premiará os mellores traballos do audiovisual galego. A gala vaise celebrar o 15 de Abril no Teatro Jofre, en Ferrol, onde se entregarán os premios ás mellores obras de factoría galega realizadas nos distintos campos que abrangue o audiovisual feito en Galicia.
Entre os que optan ao premio á mellor longametraxe, atopamos Concursante, Hotel Tívoli (a última peli de Reixa que vainos contando diferentes historias seguindo a traxectoria dun chisqueiro), Unha muller invisible (de Gerardo Herrero, o director de Heroína) e O neno de barro (película de Jorge Algora que nos leva ao Buenos Aires de 1912, a un barrio da clase media emerxente onde se están producindo arrepiantes crimes).
Tamén este ano se entregará un premio á mellor obra experimental ou interactiva. Os seus nominados son Cousas do Kulechov (falso documental que presenta un suposto conflito bélico onde o exército invasor ataca as costas galegas), Ecos (de Rubén Coca, director de numerosas curtas), O humanoide e SQR.
Entregaranse tamén os premios ao mellor programa e á mellor serie de TV. En canto á publicidade, este ano optan á mellor obra publicitaria a Campaña de Estrella Galicia Mapie, de Mondotropo; En galego tes todo por dicir, de Congo Producciones Audiovisuales e Gráficas, que tamén compite con Vivamos como galegos (campaña ben coñecida por tod@s); e, por último, As Cores da Rúa, de Lúa Films.
En galego tes todo por dicir
Vivamos como galegos
Aquí vos deixo outros spots da campaña: MAPIE- Músico, MAPIE- Crowd e MAPIE- Pastor.
As cores da rúa
Vivamos como galegos sin duda...bueno, por la repercusión que tuvo más que nada....además la foto ahí de portada en la que está Fran quéee...
jajajaja
mencanta :)
Hola!! Eu tamén penso que seguramente gañará Vivamos como Galegos. A verdade é que foi unha campaña moi boa. Pero tamén me pareceu moi boa a de Estrella Galicia de 'Movemento de Amigos Para Invitar a unha Estrella'
Un saúdo