Hollywood, na súa incensante procura de ideas para facer películas, rescatou a figura do home de ferro: Iron Man, outro dos heroes da editorial norteamericana Marvel Cómics (dos que un gran número xa teñen pisado a gran pantalla, como Spiderman, Os catro fantásticos, O incrible Hulk...)

Creado polo célebre Stan Lee, a primeira aparición de Iron Man foi no número 39 do cómic Tales of Suspense, no ano 1963. Este personaxe caracterízase por poseer unha poderosa armadura, que lle outorga poderes, se ben estes poderes variaron co paso do tempo, do mesmo xeito que a súa primeira armadura voluminosa por outra que se amoldara ao corpo de Anthony Stark, a identidade pública deste heroe.

A película, cuxa estrea en España esta prevista para o 30 de Abril, amosaranos a orixe de Iron Man, cando Stark, un multimillonario fabricante de armas debe enfrontarse ao seu turbio pasado cando sofre un accidente cunha das súas armas. Entón convertirase no home de ferro, fabricando unha armadura de última xeración tecnolóxica para combater o mal a escala global. O encargado de darlle vida será o actor estadounidense Robert Downey Jr.

Pero isto non é todo. A película virá acompañada por un videoxogo da man de Sega, ademais dunha nova serie de animación protagonizada polo personaxe (doce anos máis tarde de que se cancelara a última serie), e que posiblemente será estreada tras o lanzamento da película.

Aquí podedes ver o trailer da película. Por certo, a canción de Iron Man é do álbum Paranoid do grupo de rock Black Sabbath.

iron man trailer HD

E aquí o videoxogo: